Өвөлжилт хүндэрч магадгүй 6 аймгаас нөөцийн махны бүрдүүлэлт хийхгүй байхыг хүсчээ

ДАРХАНД НӨӨЦИЙН МАХ 04 ДҮГЭЭР САРЫН 1-НЭЭС НИЙЛҮҮЛЭГДЭНЭ

Хотын Ерөнхий менежерээс өгсөн үүргийн дагуу Нийслэлийн хүн амын 2020-2021 оны өвөл, хаврын улирлын махны хэрэгцээнд зориулан мал, мах бэлтгэн нийлүүлэх аж ахуйн нэгжийн агуулахын бэлэн байдал, хэвийн үйл ажиллагаанд хяналт шалгалт хийжээ.  Шалгалтын дүнг 16 аж ахуйн нэгжид өчигдөр танилцуулж цаашид авч хэрэгжүүлэх ажлын талаар хэлэлцлээ.

Өвөлжилт хүндрэх магадлалтай 6 аймгаас нөөцөд болон экспортод мах бэлтгэх чиглэлийн ХХААХҮЯ-наас өгсөнд аж ахуйн нэгжүүдийн зүгээс Нийслэлийн хүн амын махны хэрэгцээнд зориулсан махыг дээрх аймгуудаас татах хүсэлгүй, харин экспортод түлхүү нийлүүлэх саналтай байгаагаа илэрхийллээ.

Нийт 16 аж ахуйн нэгжийн 18 агуулахыг шалгалтад хамруулснаас 15 агуулах нь өөрийн буюу мах нөөцлөхөд бэлэн, 7 агуулах түрээсийн, шаардлага хангахгүй 3, засч сайжруулах үүрэг даалгавар авсан 7 агуулах байсан. Шалгалтаар лэрсэн зөрчил дутагдлуудыг аж ахуйн нэгжүүд бүрэн арилгасан байна.

Үүний дараагаар нөөцийн мах борлуулалтын цэгүүдийг хэлэлцэж Дүүргүүдийн хүнсний хэлтсүүдэд ирэх Баасан гарагт урьдчилсан байдлаар ирүүлсэн 310 дэлгүүрийн саналыг хэлэлцэж, шүүлтүүр хийх, өнгөрсөн жил хангалтгүй ажилласан болон татварын өртэй дэлгүүрүүдийг хасч эцсийн байдлаар хуралд танилцуулахыг даалгажээ.

Мөн "татварын байгуулагуудын зүгээс өргөтгөсөн худалдаанд худалдаалагдаж буй маханд и-баримт олгох санал шаардлага тавьсаныг аж ахуйн нэгжүүд хүндрэлтэй, боломжгүй талаар саналаа илэрхийллээ. Үүнийг дараагийн хурлаар дэлгэрэнгүй хэлэлцэхээр боллоо" гэж Улаанбаатар хотын захирагчийн ажлын албанаас мэдээллээ.

Б.Бямбадулам


Улс төр


Таамаг


ШИНЭ МЭДЭЭ


ОЛОН НИЙТИЙН СҮЛЖЭЭ


Мэдээллийг хуулбарлах хориотой. 2020 он.
© Таамаг.мн сайт бүх эрх хуулиар хамгаалагдсан.